ابو الحسن النعيمي
12-31-2009, 03:25 PM
لتكـــــلي خلينــــــــــة
عبرنة وهسة نبدي امنين ما وصلوا
عيب تكول يمعود دخلينه
بيهم ناس خلصت كل صباها بخوف
طحنة... وحلفت امن الماكو تبدينه
وانته تكلي خلينة
وين تريد تبقة وهالوطن مجروح
باجر لو وكع من يكدر يعينه
ناس اتشردت عافت صواني الزاد
خاطر تشبع انته وتاكل الزينه
لفلفها الجفن وي طكة العشرين
ماتت شوك غربة وعين تبجينه
وانته تكلي خلينه
اكسر مستحيلك انته ابن حسين
ابن المرتضى امن انصار مهدينه
لتكلي الوطن منطاني وصلة كاع
ولتكلي بعيد وما يحس بينه
كل شعبك فقير بثورة العشرين
جادوا بالنفس ماكالوا انطينه
وانته تكلي خلينه
يا ابن البلد حقك جريمة يضيع
ياكل بينه غربي وبس يذم بينه
ولك دم الحكيم المن صبغ هالكاع
لو دم الصدر من زامط بدينة
ليش تكول خلينة؟
لتكلي اتعبت !! اذكر وفه العباس
رخص كل حياته لخاطر حسينه
وبعد لتكلي خلينه
مادامك شربت الماي
من دجلة وعذب لفرات
دمك للوطن مطلوب
دين وما يفض دينه
وبعد لتكلي خلينه
( أبو الحسن النعيمي)
عبرنة وهسة نبدي امنين ما وصلوا
عيب تكول يمعود دخلينه
بيهم ناس خلصت كل صباها بخوف
طحنة... وحلفت امن الماكو تبدينه
وانته تكلي خلينة
وين تريد تبقة وهالوطن مجروح
باجر لو وكع من يكدر يعينه
ناس اتشردت عافت صواني الزاد
خاطر تشبع انته وتاكل الزينه
لفلفها الجفن وي طكة العشرين
ماتت شوك غربة وعين تبجينه
وانته تكلي خلينه
اكسر مستحيلك انته ابن حسين
ابن المرتضى امن انصار مهدينه
لتكلي الوطن منطاني وصلة كاع
ولتكلي بعيد وما يحس بينه
كل شعبك فقير بثورة العشرين
جادوا بالنفس ماكالوا انطينه
وانته تكلي خلينه
يا ابن البلد حقك جريمة يضيع
ياكل بينه غربي وبس يذم بينه
ولك دم الحكيم المن صبغ هالكاع
لو دم الصدر من زامط بدينة
ليش تكول خلينة؟
لتكلي اتعبت !! اذكر وفه العباس
رخص كل حياته لخاطر حسينه
وبعد لتكلي خلينه
مادامك شربت الماي
من دجلة وعذب لفرات
دمك للوطن مطلوب
دين وما يفض دينه
وبعد لتكلي خلينه
( أبو الحسن النعيمي)