منو مثلي يحبك يا عراق

[محمد الخفاجي]

منو مثلي يحبك يا عراق
وحبي إلك .. مو عادي
ولا حب عشاق
حبنا آه و دمع
حزن وفراق
من ولدت وأسمي
مرسوم ويا أسمك
وهسة بالغربة مشتاگ لنسيمك
مشتاگ احظن أترابك وأشمك
آه يا وطني ...
يا وطن الألم والدمعة
حتى گمرنا اختفى
وصارت جثثنا للليل شمعة
آه .. يا وطني ..
يا وطن الرافدين
يا وطن مثلك ...
يتحاظن بيه النهرين
تنزل دمعتي من أسمع اسمك
ويرجف گلبي الحزين
و اشتاگ إلك ...
اشتاگ .. للصدر الحنين
منو مثلي يحبك يا عراق
وأنته أني .. وأني أنته
وأنته روحي .. وأنته نبضي
وانته حزني الي عشگته
تسألني الناس ليش بعيونا
مرسومة عذابات السنين
وأجابوبهم .. ولدنا بالدمع
وبحزنا نتفاخر .. وبالألم فرحانين
يا شعب مثلنا ...
وأحنا حتى بجرحنا مغرورين
الله شگد أفرح ...
من أسمع الناس تسمينا عراقيين
منو مثلي يحبك ياعراق
أعرف راح تقتلني الغربة
وتذبحني من بعدك الأشواق
لكن مو ذنبي بعدك
سامحني يا عراق .. يا عراق
والله ابقى أحبك
وابقى لترابك أشتاق
منو مثلي يحبك يا عراق

[أبوعلي الكاظمي]

تسلم على الروح الوطنية وباركـ الله بيكـ

[عباس الخفاجي]

شعر جميل ومؤثر
شكرا

[محمد الخفاجي]

مشكور على المرور

[ابو الحسن النعيمي]

مشكور اخ محمد الخفاجي على القصيدة الجميلة ... نتمنا منك الجديد من هذه المشاركات الرائعة

[الأستاذ]

أحسنتم جزاكم ألله خيرا قصيدة تحمل بصمات شاعر موهوب

[محمد الخفاجي]

مشكور اخواني على المرور

[فوادالركابي]

مشكور اخ محمد على القصيدة الرائعة والجميلة