ابا الثوار (لمولد الامام علي عليه الصلاة والسلام )

[رحيم الحسيني الحسناوي]

مرتضانا ... مرتضانا ... مرتضانا ... مرتضانا

فتى الاسلام ... مدى الاعوام ... لواء سامي ... ابا الثوار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

علي حبك يضل هوه النفس بينه

ونبع فيضك يحيدر هوه يروينه

تضل راية نصر وبكل ارضينه

وبسم كرار طاحت كل اعادينه

سفينتنه انته يالحيد وترسينه

وعلى حبك يبو القائم تربينه

صدى الاقدار ... وسيل النار ... على الكفار ... ابا الثوار

اجه اليوم النسه جروحه ويداوينه

فداك العمر يابو العتره وسنينه

اجينه نبارك بمولد علي جينه

الك يالمهدي كلنه نزف تهانينه

بولادة شافع الشيعه اليحامينه

ونصيح بصوت يا حيدر يوالينه

ابا للدار ... اخا للجار ... مدى الاسرار ... ابا الثوار

العقيله بصوت جن صاحت تنادينه

وسبع تنعام منه الي يوافينه

اليضحي بروحه لحسين ولجل دينه

باراضي الجنه كل فايز يلاكينه

يزينب ذوله كلنه فداج شوفينه

ونضحي اعمار لاجل الما غفت عينه

ابا الاطهار ... ضياء جاري ... حبيب الباري ... ابا الثوار

علينه ونعلى باسمه البيه تعلينه

وتهددم صرح كلمن راد ياذينه

موالين احنه دوم وصافي جارينه

ونطففي عيونه من فكر يلاوينه

اهل سفيان خلهه شما تسمينه

نحب حيدر علينه ونبجي لحسينه

ندى الاقمار ... جمال ساري ... ابا الاحرار ... ابا الثوار

مرتضانا ... مرتضانا ... مرتضانا ... مرتضانا

رحيم الحسناوي
__________________
من حق اي موالي النشر على حب الحسين وال البيت عليهم السلام

[أبوعلي الكاظمي]

احسنت وبارك الله بكَ اخي العزيز على الكلمات الرائعة في حق امير المؤمنين "عليه السلام"

[الم الرحيل]

قصائد رائعهـ الى شاعر
مميز ورائع فى اداهـ
وكلمااااااااااااات اروع
يارب يجعلنا متمسكين بولايته على عليه السلام
ويقضى حوائجنا وحوائجكم بحق امير المؤمنين
ويسقينا من الكوثر يعطيك العافيه شاعرنا الغالى
وننظر جديدك بفاااارغ الصبر

[قلب مجروح]

يسلمو على الشعر الرائع حفظك الله
بحق علي ع وابن عمه ص وزوجته ع والحسنين ع

[akram]

جزيت خيرا عزيزنا رحيم الحسناوي

[عاشق الحسين]

http://dc206.4shared.com/img/366180612/406314d3/s3/0.6369693443866842/__2.gif (http://dc206.4shared.com/img/366180612/406314d3/s7/0.7058752769802832/__2.gif)