ابوذيات , لمولد الحجه (عج)

[رحيم الحسيني الحسناوي]

اذا محتار فكرك سل علينه

ولو شك صار عندك سل علينه

احنه سيوف دهرك سل علينه

ورضينه نموت ويه ابن الزجيه

ــــــــــــــــــــــــــــــــــــــــــــــــــ ـــــــ

علينه بزود حيدر من علينه

واجانه الخير دايم من علينه

الاهي بحق علينه من علينه

نثبت عالولايه الحيدريه

ــــــــــــــــــــــــــــــــــــــــــــــــــ ـــــــــ

تنادي الروح يا حيدر علي وياك

وكل شيعي يحادينه علي وياك

صرخنه بصوت يالمهدي علي وياك

اضهر واكطع ركاب ال اميه

ــــــــــــــــــــــــــــــــــــــــــــــــــ ــــــــــــ

قلبي بجية ابن الخير هل هل

ونوره هلال يوم العيد هل هل

اهلا بيك يا مولاي هل هل

ميلادك سرور وفرحه اليه

رحيم الحسناوي

[قلب مجروح]

اللـــــــــــــه قمه في الروووووعه
يسلم لسانك اللهم ثبت في قلوبنا محبة الله ورسوله الكريم ووليه الذي باتباعه نرى النعيم

[أبوجعفر المكصوصي]

ثبتنا واياك على ولاية اهل البيت (ع)

[فدكية]

بوركت اناملك الزكية وحفظك الله ياشاعر فدك