المساعد الشخصي الرقمي

مشاهدة النسخة كاملة : من يكول حسين ذبحوه بالطفوف


رحيم الحسيني الحسناوي
07-28-2010, 03:13 AM
من يكول حسين ذبحوه بالطفوف .. عمي ذاك حسين عرشه بكربلا

تسجد بديوانه للباري الالوف .. وحتى مشلول الجسد هم يوصله

ولا تضن عباس مكطوع الزنود .. وهوه بجفوفه الحضر يستقبله

وراية الحك دوم ما مسهه التراب .. البيرغ بروحه ابو فاضل شايله

ومن يكول انجتفت الحره بسناسل .. جا صرح سفيان ياهو الزلزله

شلون كالو كيدو جتف العليل .. وهوه مرمر جيش اميه وعلعله

وخلهه اميه تصيح لوعنه الرضيع .. الاصغر بكل يوم يذبح حرمله

ويا سؤال الدوم ما صحله جواب .. وياهو يكدر ينطي حل للمساله

شلون جان الحال من كام العضيد .. ولملم غيومه وضلامه وجلجله

شلون من جففه افترك غيره وحميه .. ومن زعل غيض وغضب قلبه انمله

حششمت عباس زينب يالعضيد .. ويا هله بعباس صاحت يا هله

من صرخ الله اكبر يا فرات .. احتار هذه الكون واركانه بهله

طب عليهم موت وبسيفه الحتوف .. وصار مشراد الخوارج بلبله

بيه تناثر جيشهم مثل الجراد .. وجاوز المعكود بيده وجلجله

ثببت اوتاد القضاء على ال اميه .. ورتل القراان بيهم رتله

كثرت اللوعات وي صوت المنايح .. بججه دم عيون خصمه ورمله

صاح انه العباس جتتال الرجال .. وضعن ابو الاحرار انه الجافله

صاح انه العباس جتتال الرجال .. وضعن ابو الاحرار انه الجافله

رحيم الحسناوي

حنين الروح
07-28-2010, 08:53 AM
مشكور أخي على الأبيات الشعرية الراااائعة

قلب مجروح
07-28-2010, 08:38 PM
الله الله الله سلمت اناملك يا اخي الغالي وبارك الله بك وجعلت في ميزان حسناتك

خالد الاسدي
12-16-2010, 10:30 PM
http://3sh8-ro7y.com/up/uploads/images/domain-2f923b7e40.gif

سبل النجاة
12-18-2010, 10:19 AM
بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم
وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
السلام عليكم ورحمة الله وبركاته
.. اللهم عفوك ثم رضاك رضاك عني أنك أرحم الراحمين ..
ساعد الله قلب مولاتي زينب سلام الله تعالى عليها
طيب الله تعالى أنفاسكم شاعرنا الجليل
لبيك ياثار الله
خادمة العترة الطاهرة
طالبة علم