صحت وينك

[رحيم الحسيني الحسناوي]

بعد عينك .... صحت وينك

يسيره ولا ولي العندي

ــــــــــــــــــــــــــــــــــــــــــــــــــ ـــــــ

تشل حالي اليتامه من ارد اصد ليهه ... تدوس على الحزن والهم يغطيهه

تساجت زينبك يالساجي صد ليهه ... ونين الما بطل وسياط اعاديهه

يسببونك ... يشتمونك

وحرمكم لاذت بسدي

درب طال الدرب واختك تره انسللت ... يمن جففين الك يم النهر ضللت

شاكل لسكينه الك يا خويه لو وننت ... يريت اجدامي كبل فراكك انشللت

يصيحوني ... ويضربوني

وانه اصرخ واندب بجددي

لون ادري نضر عيني يصد ويشوف ... على رماح الكفر روس الحياده تطوف

لون ادري يناطرني هظم وطفوف ... وجيوش وخيل ورماح وغدر وسيوف

ولو ادري ... هظم دهري

يريد المدمع بخددي

تركت بكربلا شمس وكمر ونجوم ... وحده بضعن الطهر شمر وعلينه يحوم

دليلي بغيبتك يبن الفحل ملجوم ... انه وريت العمر بعدك يخي مهدوم

صعب حالي ... بلا والي

المصايب كل وكت تبدي

يدم ابن الزجيه الما برد للدوم ... يثار السل دليلي وضل ابد مهموم

يتججاية حزن بيهه العسر مرسوم ... يبن حامي الحمى واندب يخي مضلوم

جمر نارك ... يظل ثارك

يلوح بركبة المهدي

رحيم الحسناوي

[أبوعلي الكاظمي]

بارك الله بك اخي العزيز رحيم الحسناوي على الشعر الرائع
وطولت الغيبة عسا المانع خير afadak17afadak17afadak17

[رحيم الحسيني الحسناوي]

استاذي الغالي ابو علي الكاظمي المحترم , يقولون لي بان لديك خمسة ديسكات وليس لها الا العملية وقد رفضت ذلك , ليس لديهم حل غير العملية , فاعتذر عن غيابي بسبب ازمات الالم التي تقعدني لفترات وصعوبة الجلوس خلف الجهاز , واسالكم الدعاء لي بالشفاء وان يسهل الله امري لزيارة اللجنة الطبية الكبرى في النجف وكربلاء والكاظمية وسامراء , حيث لا عمليات جراحيه ولا غيرها فالشفاء عندهم بمجرد الدخول عندهم , وجزاكم الله الف خير و خادمكم

[امجد الملكي]

نتمنى لكم ان شاءالله الشفاء العاجل

[خالد الاسدي]

http://3sh8-ro7y.com/up/uploads/images/domain-d3f84dbb1a.gif

[فوادالركابي]

جزاكم الله خير الجزاء وفي ميزان حسناتكم