من أروع قصائد المرحوم رحيم المالكي

[الأستاذ]

كتب الشاعر المرحوم رحيم المالكي هذه القصيدة في زمن كان من الصعب جدا التفوه بمثل هذه الكلمات بسبب بطش النظام الوحشي السابق لكنها كانت أرادة ألله ألتي أحيت هذه القصيدة الخالدة للشاعر المرحوم رحيم المالكي (( الى ألآن تجري يافرات ))



الى الان تجري يافرات؟؟؟
شلون تجري ومايك ازرك يافرات؟
وانته ذنبك مو ذنب يكطر دمه
تسابكت بالطف على حسين السيوف
ومايك اول سهم في صدره انرمه
جان مايك احد من كل السيوف
حيل أثر بالحسين وألمه

بس بنات المصطفى حر الجبود
حسين حر وهاي للحر تلجمه
وعطش عبدالله اللي فرفح بين اديك
كطع كماطة ولعد مايك ومه
طاح ابو السجاد يم جرفك شهيد
بين سيفين العدى وسيف الظمه
انا لو منك اودي ويه الطيور
الماي خاطر منسئل ليش ولمه
لاجن انته تريد تذنب يافرات
وهاي ماتحتاج شرح وترجمه

انفرط عقد الدين وعيونك تشوف
وجان ممكن شربه منك تلظمه
عطشيت الدين عن بكرة ابيه
وكطعيت جفوف سبع الموزمه
تدري لو مايك وصل يم الخيام
جا روه العباس منهم صارمه
وجان ما ردت رؤوس على الرماح
جان ردت خيلهم تكطر دمه
شلون طاح حسين يم جرفك شهيد؟
وما ركض مايك لعد جدمة انرمه
طاعت اسماعيل صحراء الحجاز
وانته شح مايك لابن حامي الحمة
ما ظن اسماعيل افضل من حسين
وما اظن امه اتقدم فاطمة
ذاك ابن واحد سأل رب الجليل
كيف تحيي الموته وترد قائمه
وهذا ابن حيدر علي سيف الرسول
المايخاف بدينه لومة لائمه
الكال لو ينكشف عن عيني الغطاء
مايزيد من اليقين الفاهمة
يافرات وبعد تجري يافرات؟
المايشوف الحك عسه بعينه العمه
كوم طم روحك حدر كبر الحسين
واغتفر لله واطلب مرحمه
كوم واغسل مايك برمل الحسين
وخلي مايك يا نهر يتيممه
الفرق شوفه بينك وبين الكرام
حسين شاف الدين عطشان لدمه
ضحه باخر قطرة من دمه الشريف
وظلت آخر قطرة ثورة وقائمه
حسين اصل الجود وانته اصلك نهر
ويا نهر للنبع انطه وكرمه
حسين صافي واصفى من ماي الجنان
وانته اصلك طين وجروفك طمه
حسين لو منك شرب جان ارتويت
وجا تشرف مايك ولامس فمه
لكن انته الحظ عماك وتيهيت
وسوء حظك رادلك هالخاتمة



الشاعر المرحوم
رحيم المالكي
بغداد 1997

[ابو بسام قصار]

جزاك الله خيرا تقبل مروري

[الأستاذ]

شكرا لمرورك عزيزي ابو بسام

[كاظم الاســدي]

قصيدة رائعة وجميلة للمرحوم الشهيد رحيم المالكي
الف شكر اخي ابو علي

[كاسر ألاشواك]

قصيده جميله للشهيد رحيم المالكي

عاشت الايادي اخي الاستاذ

تحياتي لك

[الأستاذ]

قصيدة رائعة وجميلة للمرحوم الشهيد رحيم المالكي


الف شكر اخي ابو علي



الشكر لمرورك الرائع خفافيش

[الأستاذ]

قصيده جميله للشهيد رحيم المالكي



عاشت الايادي اخي الاستاذ


تحياتي لك



الشكر لمرورك الرائع اخي كاسر

[أبو زهراء]

هي هاي القصائد الحسينية المطلوبة خصوصا ونحن مقدمين على شهر محرم الحرام بارك ألله فيك وكثر من أمثالك

[الأستاذ]

كل يوم عاشوراء شكرا لمرورك بارك الله فيك

[عباس الخفاجي]

الله ... جميل جدا ... ولوحة رائعة رسمها شهيدنا الغالي رحيم المالكي نسال الله سبحانه وتعالى بحق عطش الحسين ان يرزقه فسيح جناته انه سميع مجيب ورحم الله من قرأ سورة الفاتحة على روحه الطاهرة .

[فوادالركابي]

جزاك الله خير الجزاء
ورحم الله الشهيد واسكنه
فسيح جناته



تقبل مروري

[أبوعلي الكاظمي]

انفرط عقد الدين وعيونك تشوف
وجان ممكن شربه منك تلظمه
عطشيت الدين عن بكرة ابيه
وكطعيت جفوف سبع الموزمه
تدري لو مايك وصل يم الخيام
جا روه العباس منهم صارمه
وجان ما ردت رؤوس على الرماح
جان ردت خيلهم تكطر دمه
شلون طاح حسين يم جرفك شهيد؟

قصيدة رائعة وجميلة جداً ورحم الله شهيدنا الغالي رحيم المالكي واسكنه الله فسيح جناته
باركـ الله بيكـ أخي
موفقين لكل خير

[الأستاذ]

أخي العزيز عباس الخفاجي مشكور مرورك العطر

[الأستاذ]

أخي العزيز فؤاد الركابي مشكور مرورك العطر

[الأستاذ]

أخي العزيز أبو علي الكاظمي مشكور مرورك العطر