منتديات فدك الثقافية - ياهالقلم كف العتب

يا هالقلم كف العتب كف اللوم

ما ادري هم شايف حزن حمله هموم

حمل الحزن بيه ممتحن والوننات

صارت مثل كور الصكر من تحوم

ازحف على الجمره وفلا اصيح احاه

واليدنه يمي يعين اصيحن مخدوم

نضراتك تشل كل دقيقه احوالي

متحير بسحرك صرت يالغالي

لانهضه بيه وانتفضلك بركان

لا كووه بيهه وتستشيط اوصالي

حكك اذا درت بهضم عنني العين

بس انته تدريني الطهر موالي

ما فاركو روحي بشهادة نبضي

ما تحمل اجدامي الثكل من تكوم

انه ازرع بقلبي الجرح للاسياد

واحصد دموع ولا امل للمسموم

والزهره بيه بكل وكت جمره ونار

ساعه اجهر بحزني ودقايق مكتوم

لاتاذي روحي الما هدت يا سجاب

وانته اعرف بكل ما يدور اببالي

وانته ادره بيه من ارد اصد لارض حسين

غير النياح عليه ما يحلالي

انه ادري بيك الزود من اهل الزود

تسبك لساني وتكتب وتقرالي

من كال عننك يا قلم مو وففاي

وانه ادري بيه الصوج وانته المحشوم

كف العتب داخل عليك وخادم

جيتك عليل بهالثنييه وملجوم

حس بيه مره واانه ماريد هواي

رايد تلملي الضل عليهم مهدوم

شتلم اذا عباس طاحتله جفوف

وحسين راسه على الرماح يلالي

والحره جنهه تصيح يا هاي الناس

منهو العرف فوك الوطيه عدالي

جم ااه جم جرح اليندبك يحسين

جم وننه منني بكل وكت تبرالي

يا كاع تكدر تحمل الهم ودماك

غير الزمان الخان بيكم مالوم

يا حسين

رحيم الحسناوي