ألى من عادو الكـــــــرار رسائل هسه نـــرسلهه
غصب عنكم محبته تعيش بينه وكلنـــــــه نحملهه
علي يحلهه المصـــــايبنه مصايبكم منــــو يحلهه
من نوگف بيوم المحشر
ـــــــــــــــــــــــ
بغديرك يا أبـــــو العباس نفــــــــــرح لصبح منام
ونهني العالم بهل يــــوم مسيح وصابئه وأســـلام
وطوائفنه البقت بالكون وخصوص نهنء الأيتام
ونهني الدنيه وما بيهه
ـــــــــــ
مــــو بس بالغدير نصيح نــــــــواليك وألك أنصار
بكل لحظة التمر مــولاي نصيح نبايــــــــع الكرار
لأن بسمك يبو الحسنين عشنه اويه البشر أحرار
بدنيانه يا قالع خيبر