احنه خدامك يبن خير العمل*** نحس طعم الحنظل ابحبك عسل
اليحب واجب كون يوفي اويه الحبيب *** ما يمل ويجوز لو راسه يشيب
واليأثر بالوفه طعم الحليب *** اشلون بالراضع الحب امن الازل
***
انكول شخصك لون شافته العين *** للكلب حبك نفذ سيدي امنين
بالرحم يصرخ حبيبي يا حسين *** او غير حبك ماله بالدنيه أمل
***
صعب سر حبك يبن خير الوره *** لا فقيه او لا مفكر فسره
ويه شريان الكلب بالدم سره *** او فوك دكات الكلب عوده انشتل
***
يا حسين انشتل وبموضع صعب *** لو يشلعونه يشلعون الكلب
مثل وصف الرحه لازمها الكطب *** ابكل حبك صبح ماخذ محل
***
حب شريف وكل دغش مابي ابد *** عن وعي او فكره او ضمير او معتقد
ما نزل يحسين عن هذا العهد *** او بينه او بينك يظل بس الاجل