[النمر]

حسين مطبوعه حروفه على الجبين وحنه خدامه

نمشي على الرجلين ونطوف الحسين .... نلطم الهامه

خل يذبحوهه نحور الزائرين ........نندب ايتامه

عالجفوف نطوف كبرك يا امام

مانبيعك لو يكطعون الجدااام

والجسم لو فجروه الناصبين

توصل اعظامه

طبع اليزور الحبيب بلا شعور

ماتلومه الناس لو راسه يشيب

ليش هاي الناس تزعل من نزور

تمنع العشاك من شوف الحبيب

ماتهمنه النايبه وكطع الرؤوس

وبدروب الموت مشايه ندوووس

هذا حكم يزيد بالحب واليقين

نعلن اعدامه ياحبيبي ياحسين

احنه من يتعب جدمنه من المسير

تكوم تمشي الكاع بينا للضريح

لو ثكل حمل المشي وطاح الضرير

يكوم حب احسين ويشيل اليطيح

نمشي عالرجلين يحسين ونطوف

تنحب الرجلين نمشي عالجفوووف

تنحب الجفين وابدا ماتلين نمشي عالهامه

نمشي عالرجلين ونطوف الحسين .........

القلم مشاي راح وي الحشود

من كتبت احسين ظل يبجي القلم

بس سمع بسمه جرت دمعاته سوود

شحال لو يدري شرك جبده السهم

انتا جبدك يستحق هذا الولاء

حكه تجري عليك دمعات السماء

والنهر حكه على بابك يستكين

يعلن اسلامه ياحبيبي ياحسين

__________________