بيت البسامير , مقطوعة
ارد وانحب على الما صاحت الاَه
على ضلوع الصفت بيت البسامير
بلايه وداع راحت زهرة الجود
وسرت ويه النعش ذيج التعابير
عبارة اَه تندب يمّ الاطهار
مشيتي ولا بكت منّج تصاوير
مشيتي وما حسبت شلون انه بلاج
يصير يفر عكس دور النواعير ؟
ضلام الليل وحشه ووجهج الغاب
تطير وتنتشي بنوره العصافير
يبلسم للوجع لو قلبي ينصاب
عيونج للطهر صارت نواطير
ينبع الطيب يا ام الكرامات
يعصرونج صدك زمرة مطامير ؟
يرفسونج صدك وتضيع الانفاس ؟
الشرو نار على حفنه من الدنانير
يزهره الما يمر عقل البشر صار
وابد ما صح صديج وناصر يجير
رحيم الحسناوي
|