[الم الرحيل]

الحسين يودع جده المصطفى

للشاعرحيدر الخزاعي

اتوادع وياك اليوم --- ياجدبكلبي المهموم
بالطف راح اعلنهه الثوره --- رايد دينك دمي اينصره
-------------------------------------------------------
اجيتك والكلب يلهب يجدي بنار
انه سلوة حياتك مهجة الكرار
اودعنك اجيتك والدموع اعبار
واشم تراب كبرك يالنبي المختار
شيبرد كلبي المجروح ------ عنك ياجد من انروح
وماضن نرجع من هالسفره --- رايد دينك دمي اينصره
----------------------------------------------------------
عازم عالسفر ياجدي راح ارحل
وعلى الحي القيوم الباري اتوكل
ولاجفي امده لطاغي حتى انذل
على المثلي صعب يتنازل ويقبل
ماتنراد العيشه ابذله ----- حمل اليوكع احنه انحمله
حاشه يوكع فوك الغبره----رايد دينك دمي اينصره
-----------------------------------------------------------
انثره هناك مجدي بلون ورد احمر
حتى ارويه دينك من دمه المنحر
وزرع الي تعبت اعليه وصار اخضر
يموته ايرد زرعك حتى يتكسر
ايريد ايزيد بجفه ايكطعه--- بسهم البدعه ايريد ايصرعه
حلفني بضلع امي وكسره-----رايد دينك دمي اينصره
------------------------------------------------------------