××[ يّآبَويّ .. بِنَتَّكـ إلاَ مَنَّهْ عَوَىآ اْلّذّيِبَ ذِيّبَهْ ]××

[نور علي]

( يآبوي) جعلك للبقـــا والمكاسـيـــب ....
عمري بدونك يالذّرا ويـش أبـي بـه ؟؟!


( يآبوي) تـــســـأل عـن شفـاكـ المراقيب ...
طلعـة سواتـك للـــنّــوايـف غريــــبـــه


ليه المرض مايعرف الزّين والعيب؟ ....
مايــدري إنـكـ للـــمخـــالــيـــق هــيـــبـه !!


أبسألك وش به غزا وجهك الشيب ....
والقـــلب لايـــع والـــنــواظـر شــحـيــبـه



وش بك تحاتي لانوى الموت تغريب .....
تخــشــى عــلـيــنا باللــيّالـي الكــئـــيــبـه


خذ دلّتك واركى على مسند الجيب .....
وعــطـني شماغكـ بـلـثـمـه وأحـتـمي بــه


ونــروّح لأرض ٍ بها العشب والطيب ....
وتــســمــع كــلام ٍ يالــغلا تحــتــفـي بـــه


( يآبوي) بنتك لاانحكى بالتّجاريب .....
كـــل ٍ يـــشـق لهــيــبـه الصّــيـت جــيــبـه


( يآبوي) ماني من سوات المخاريب ....
اللّي تــجــيـــب لــعــلــيَـة الــقـوم خـــيــبـه


وماني من اللّي لامشت حفّها الرّيب .....
أنـــــا مــن اللّـي مــايــدنّــــس حــلــيـــــبـه


مرفوع شاني عن غرامالمكاتيب ......
وأكــبــر مــن انّــني أرتضــي بالحبـيـبــه !!


أنا غرامي لاابتدوا بالتّراحيب .....
نفـــوس الأوادم فـي وجــودي رحــيــــبـه


وان كان زيني فتنة ٍ للمصاويب ......
أحــــط وجــهـــي بـــالــحريـق ولــهــيــبـه


زيني أبيعه وأشتري سمعه الطّيب .....
اسم ٍ يــنــومــس بالــصّــروح الذّّهــيـبـه


وان كان عندي بالحلا شي ٍ اصعيب .....
عــنــدي جــدود ٍ مارضـــت بالغــلــيــبــه


دموع القبايل فـي لقانـا مساكيب ....
كـن الـــمــقــابـــر لاحـــضــرنـا قــريــبـه


خضّبت لك كفّي من العز تخضيب .....
ورفـعــت راســي للـنــّجـوم الــصّـعـيـبـه


والله لأسدّك بالفعول المصاليب ......
والله لأشــيــلـكـ بالـــرخـا والــمـصـيـــبـه


طلع المعالي ماانحكم للشّواريب ....
( بنتٍ ) وأنــاطــح فـارس القـوم طــيــبـه


وياشيخي إبشر لوتدور الدّواليب ......
بـنـتـكـ إلا مــنــّه عــوى الـذّيـــب ( ذيبـه )









مما راق لي
الدلووعة الحــ زينة ..

</I>