مولد الحوراء زينب العقيلة عليها السلام

[علي الصريوي]

مولد الحوراء زينب العقيلة عليها السلام


اكتِبْ ياشعر بحروف من نـــور = اوسهِّـــرْ للصُّبحْ عين القصيدة
شَعلتْ الشَّمعْ آنــه ويَّه البخـور= اوجَـــوّ الشّعــــر هــذا اللّي تريده
اشعل بالحروف اليوم الاسْطور = كل صدرْ اوْ عَجزْ كِلْ مرَّه عيدّه
خليّ القــــــافية والمعنه تنّورْ = اريدك يا شــعـــــر مثل الرِّعيده
اريدكْ عاصفه وتهزّ القْصور= اوتوصَل لآخـــر الدنيه البـعـيـــدة
تدكَ بيبان شعرك بيت الطيور = كل طير الطلع تنطيه نشيده
يزغرد بالفرح ويهيم وايدور = يدري الطير هاالليله سعيده
ميلاد العقيلة بنت البدور = ابوهه الما لوهه فد يوم جيده
عقيلة بني هاشم جانت السّور= ويْ عبّاسْ لحسين اوْعِضيده
بنت مستودع السر فاطمة النور= مثلْ امهه اببّلاغَتْهه وحيده
كل مؤمن موالي اليوم مسرور= لأنْ زينبْ مجدْ عالي اوْ عَقيده
هزَّتْ عرشْ اكبرْ طاغي مغرور= تهدّم طاحْ عرشه اوشلَّتْ ايده
اهي جلمات منهه لكنْ ابحــور= سيلْ اوغــرَّكَ الشَّام ْاوْ يزيده
اشْجري اليوم تنّورجْ المعمورْ = او محَّسدْ خلْ يوزّعْ خبزْ بيده
اوطشّي وهيهليّّه او وزّّعي انذور= بمولد زينب الحرّه الفريدة