نزله لاستشهاد الباقر ع

[رحيم الحسيني الحسناوي]

يابو جعفر زلزل الصوت وعله ... عالحسين خيول تسري بكربله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

يا امامي وحزنك بنص القلب

للسبايا هناك يا خذني الدرب

للجفيل وجسم اخوه المنسلب

وخيل اميه العاليتامه صايله

بفكدتك يالباقر تهيم النفوس

بالحزن يالنورك يشع جالشموس

بس انشدك هم شفت مسرى الرؤوس

تسبك ضعون الطهر والعايله

هم شفت زينب وحيده بلا اهل

وتاه بيهه المطرح وضاع المحل

مادريت الاكبر توصصل وصل

والهواشم عالوطيه مجندله

هم شفت عباس يم المشرعه

والجفوف بسيف اميه مبضضعه

والعقيله الون يصل من تسمعه

تصيح جافل ضعني ياهو الجندله

ما خلص حزن الاطايب والطهر

نبكه ننشد كربلا وطول العمر

نفدي لتراب الطهر كل العمر

ونعدل بصوت الحسين المايله

رحيم الحسناوي

[أبوعلي الكاظمي]

بارك الله بك اخي العزيز وفي ميزان حسناتك

[خالد الاسدي]

بارك الله فيك أخي العزيز رحيم الحسناوي وفي ايمانك وجزيت خيراً عما خطت يدك
القصيدهغالية تكتب بالذهب وتنقش في القلوب المؤمنة الموالية لنصرة الدين والمذهب

نطلب من الله العلي القدير ان يتقبل اعمالكم باحسن القبول

[أبومحمد العبيدي]

جزاك الله خير الجزاء وفي ميزان حسناتك