لبطاطس مقرمشه من برا وطريه ولذيذه من جوى

[وردة القصيم]

اهلين وسهلين
هذي اول مشاكه لي واتمنى تنال اعجابكم وتشجيعكم

يصير نفس بطاطس المطاااعم المقرمش

راح أقول لكم على طريقه روعه لقلي البطاطس

تجيبي البطاطس وتقشريها طبعا و تقطعيها أصابع

وبعدين أثناء التقطيع حطي قدر به ماء و مقدار مناسب من الملح على

النار ولما تغلي المويه تضعي عليها مقدار فنجان قهوه خل ابيض

وتضيفي البطاطس وتتركيها لمدة خمس دقائق تغلي

بعدين تصفيها من الماء جيدااا و تسخني الزيت وتقليها عادي

وراح تاخذ وقت اطول شوي من العادي في الزيت

لكن لا تنتظري حتى تأخذ لون أحمر

طلعيها وهي شبه صفراء لأنك راح تلاحظي انها راح تكون مقرمشه جداً من الخارج وبنفس الوقت طريه من الداخل

يعني لو تركتيها لتاخذ اللون الأحمر او الذهبي الداكن راح تطلع يابسه زياده عن اللازم
وبالهناء والشفاء