محشي الملفوف في صينية الكب كيك ....فكره جديده بالصور

[معصومة]

محشي الملفوف في صينية الكب كيك ....فكره جديده بالصور

السلام عليكم ورحمه الله وبركاته

محشي الملفوف في صينية الكب كيك ....فكره جديده بالصور

وهي فكره جديده للعمل محشي الملفوف (الكرنب) اخذتها من مواقع للطبخ

وهي انك تسوينها في صينية الكب كيك

الطريقة
اتحطين الملفوف كامل في ماء مغلي ويكون الماء مغطيه

وتكونين قبل شايله القاعده للملفوف الجزء اللي تحت اللي تلتقي فيه الاوراق
مو عميق يكون التجويف لا ..... تصير دائره صغيره مجوفه على داخل .....

الطريقة
بعد خمس دقائق تقريبا راح تبدأ تتفكك اوراق الملفوف العلويه كذا خلاص تطلعيه من الماء

الحشوه: بصل و حبة طماطم - ربع كيلو لحم مفروم -وكاس ونصف رز (منقوع)- كزبره -بهارات

تحمسي البصل تحطي عليه كل اللي ذكرتهم الطماطم يقطع مكعبات صغيره
وتحركينهم على النارشوي لحد ماتنشف الماي اللي فيه

نرجع للملفوف تفككين الاوراق وتبدين تحطينهم في صينية الكب كيك وتقدرين تقطعين الجزء القاسي في ورقة الملفوف

واذا خلصتيهم كلهم ,,,,استخدمي مرقة دجاج او ذوبي مكعب ماجي على كوبين ماء مغلي و ليمون حسب الرغبه وزيت زيتون ... اما اللي بذكرهم الحين انا ما اضفتهم لكن اللي يحب دبس رمان وصلصه طماطم
اغمري الملفوف بالمرقه في كل دائره بهذا الشكل

بعدين غطيها بالقصدير ودخليها الفرن لمدة ساعه واذا تشربت المرقه اثناء وهي في الفرن تقدرين تزودينها مره ثانيه

وإن شاء الله تعجبكم