تحيي امانينا ــــــــــــ ملمّع , خاصة للفاطمية الثالثة

[رحيم الحسيني الحسناوي]

يا قبلةَ طالما تحيي امانينا ... احببتها جنةَ اقسمت افديها
ـــــــــــــــــــــــــــــــ

اذا دارت علينه الدنيه يالزهره .. نحد روس الجفوف ونلهم الغبره

اذا روس الرماح علينه متحضره .. نمر كبر الجفيل ونعبر بصبره

اقسمت لا انثني ولكم مراثينا ... احببتها جنةَ اقسمت افديها

علينا اهل النفاق شما تلم خلهه .. تضل بينه العقيده ونحتمي بضلهه

علينه انشد طغاتك والارض سلهه .. يبن راس النفاق التكلف نحلهه

خاب الذي يتبع فتوى اعادينا ... احببتها جنةَ اقسمت افديها

يديوان المعارف والكرم والجود .. نحبكم يا علي وما نلتزم بحدود

نريد القائم ابنك يا ولينه يعود .. امام بهالوكت يابا الحسن مريود

لمّا رايت الورى ترنو لمهدينا ... احببتها جنةَ اقسمت افديها

اويلي على الحسن يوم الفكد وحسين .. اويلي على العقيله المنهه تدمي العين

اويلي على الطفل يوم اللفاه البين .. اويلي على العجيد وطبرة الجفين

يا ليتني حاضر كي انصر الدينا ... احببتها جنةَاقسمت افديها

سلاما يا امامي المنتضر نرجاك .. نصول على النواصب يا امامي وياك

بدمعنه وحسرة اهلك بينه نتلكّاك .. نهد حيل الكفر يبن الحسن وعداك

رحماك يا سيدي , يؤذي تجافينا ... احببتها جنةَ اقسمت افديها
رحيم الحسيني الحسناوي