يا اميرة كل نساء العالمين

[رحيم الحسيني الحسناوي]

يا اميرة كل نساء العالمين

يا اساس لكل اساس الاولين

ويا سراط البيه تلوذ الااخرين

بمولدج يا فاطمه الدين انولد

انولد بيج الدين وعليج استند

ولولا نورج فاطمه محد سجد

وعلى منهج دينكم ربنا انعبد

انتي الاول انتي للعابد علم

علم ثابت من ثبات الثابتات

وانتي يا فاطم قسم سر النجاة

بلايه حبج جسد نبقى بلا حياة

انتي عشكج بالقلب ينبض بتول

البتول البيهه نعلى وما نطيح

وهيه ينبوع الشفاء لكل جريح

وبيت اهل الرحمه والحق الصريح

وصرح بيت اهل المكارم ضل علي

علي بيه الحسن وحسين وعلي

والحياده البيهم الشر ينجلي

ولي غيرك ما يصير النه ولي

ياابو الحملات يا ضل النبي

النبي روحه بروح حيدر فاطمة

وفاطمة جسر التبع للغانمه

وغير حيدر هالفخر شيوالمه

والمه وشال الامانه بمنحره

منحر العز والقيم والمفخره

الما سجد قط للصنم خير البره

راعي الكلفات قالع خيبره

بيك بالشدات كل حر يستغيث

استغيث بداح خيبر جربه

وخلي روحك باليقين تخاطبه

بيسر راعي الزود جندل مرحبه

ونثر فوك الكاع مخ راس الوليد

الوليد وعتبه وارباب الكفر

بزوده راوه الباطل نجوم الضهر

بلايه سيفك ما يصح يوم النصر

سيف ما يخمد لهيبه ولا يجل

ما يجل حد ذو الفقار ولا يمل

وبالحرب كرار شيال الحمل

بزود ابو الحملات كل كافر يذل

ويعتلي الاسلام باسمه وصارمه

وبالحسن وحسين وامهم فاطمة

فاطمة الرحمه الرضاهه من السما

ويغضب الجبار لو بس تنهضم

رحيم الحسناوي

[علي الصريوي]

شكرا الك اخي العزيز وفقك الله
تحياتي

[أبوعلي الكاظمي]

احسنت اخي الكريم على المجهود الاكثر من رائع وبالتوفيق ان شاءالله

[الم الرحيل]

بارك الله بك أخي الغالي رحيم
على القطعة الشعرية المباركة
بحق سيدة نساء العالمين
جعلها الله يوم القيامة شفيعتك
مع أبيها وبعلها وبنيها
سلمت اناملك لما كتبت
من جميل العبارات واروعها
دمت من انصار الزهراء ع