البرنامج الكامل لليوم التاسع من محرم (للرواديد)

[رحيم الحسيني الحسناوي]

اللهم صل على محمد وعلى ال بيت محمد الطيبين الطاهرين

البرنامج الكامل لليوم التاسع من محرم


لطميه , ثكيل
ـــــــــــــــــــــــــــــــــــــ

سيف كببر ... ليث يزئر

في فتنات الموت يصول ... لا يابى جيوش وفلول

هذا الاكبر ... هذا الاكبر

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ

صدح صوت السمه ونادت يسيف الله ...الف هلله بسليل الموزمه وهلله

عليك من الجيم يالاكبر اسم الله ... وزن هاي الارض ما يوزنك والله

جيش الشر به مذلول ... لا يابى جيوش وفلول

هذا الاكبر ... هذا الاكبر

تمايل خصمه من كببر انه الاكبر ... وغدت خيل وزلم بالحومه تتعثثر

صفوا بين اليلوذ بروحه ومطببر ... رؤوس على الارض واليكرب توذذر

من هذا صرخوا بذهول ... لا يابى جيوش وفلول

هذا الاكبر ... هذا الاكبر

نهر سيل الدمه من اهل الكفر يسري ... ونزل دمعه التكابل وي علي ويجري

يصيح عيوني للمولى افتدي وعمري ... ولا يخلص وحق سيد البشر صبري

فانا ابن وصي ورسول ... لا يابى جيوش وفلول

هذا الاكبر ... هذا الاكبر

عكد راسه الصبر وي صيحته ومهره ... ونشد حي زود الاكبر حي علي بعبره

اذا جددك علي ووالدتك الزهره ... اذاا روضه التدوس عليهه موغبره

بجنان الجبار تجول ... لا يابى جيوش وفلول

هذا الاكبر ... هذا الاكبر

المنايا بلا دمع عند النحر ناحت ... تون لجل النزف من شافته وصاحت

مشت كل القيم وي روحته وراحت ... الترب من الجنان معطره وفاحت

تبكي لامام مقتول ... لا يابى جيوش وفلول

هذا الاكبر ... هذا الاكبر






لطميه , ثكيل


ــــــــــــــــــــــــــــــــــــــــــــــــ

علي الاكبر .. شبل حيدر .. كطع منحر .. ابن غانم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

توالت روس اميه وعالارض تسعر .. لحوافر مهر الاكبر اصبحت معبر

جفل منه العدو وبصارمه تحير .. وغدت من صولته الابطال تتعثر

كشف جمع الضلام بصرخه من كبر .. مثل بزغ الشمس وكت الفجر لو طر

دعت امك .. يعين امك .. صدك يبني .. ترد سالم

عله الصوت بحشدهم زادت الونه .. والاكبر طبره يطبر سيفه ما ثنه

الركاب بشوك تهوى لسيفه تتعنه .. ويرن مس الحديد على النحر رنه

دمه عيون الزلم ووحيد ماجنه .. يفر سيفه ويصيح نريد للجنه

عكس سارو .. شتت صارو .. اليفكر يدنه لك واهم

بطل بالموزمه شبل الطرح مرحب .. يضيغم بالشدايد حيد ومجرب

يبركان الشجاعه البالشيم يلهب .. يالاصعب والكلف وياك ما يصعب

يطوفان الشهامه البيك من يغضب .. يدنيا من الكرم بيك الوصف يتعب

يروح حسين.. ينور الدين .. يموج من البحر هايم

نكس راس الشجاعه كبال حملاتك .. وتميل الكاع يبن الحره ميلاتك

انذهل خصمك تعطل فكره بافعالك .. ندر يبن الوفه بهالدنيه امثالك

دعاء حسين يبن حسين يبرالك .. وتسر قلب الغريب بخصمه طعناتك

الاكبر سيف .. بضفاف الخيف .. قضاء على الكفر جاثم

وبعد ما عجزت ازلام الحقد والشر .. ابن غانم نزل بالحومه يتبختر

هوه الاكبر عليه وجالبرق لو مر .. اخذ راس الرذيله بيمنته وكبر

الملوك تصيد ارانب لو هوت بالبر .. وانه ابن حسين اصيد ابطال من انحر

يبويه الماي .. اريد الماي .. الحديد ويه العطش يالم

بجت عين الوحيد بكربلا وانشد .. الاهي اكطع نحور الحاربو احمد

يبني منين اجيب الماي وانته اشهد .. لساني كالصخر يا عودي حيلي انهد

يسكيك النبي بكاس الوفه الاسعد .. وابد ما تضمه يبني ولا تشوف الند

صبر يبني .. تعال ادني .. يبويه بشدتك عالم







نزله
ــــــــــــــــــــــــــــــــــــــــــ

شد شبيه المصطفى ... عليهم وشب نارهه

دك رجالات الضلال وثبت الدين

شد علي وجن صاعقه وطاحت على روس الكفر ... ماسلم من سيفه ظالم الا شك راسه بيسر

روس جنهه تمايلت ... واشتهت طبارهه

صفت هامات الزلم عاليسره ويمين

طب اسد هاشم عليهم صاح الى اين المفر ... ضاكت الطف بعدوه وضاع بيهه المستقر

الكوم بيه تحيرت ... لاذت باستارهه

من يكابل سيف الاكبر يا مجرمين

بئس ما ناصرتم وبئس الولايه والولي ... جال في اسفاركم هذا الدعي ابن الدعي

بئس قوم انتم ... ناصرت اشرارهه

وخالفت اهل الكتاب وعترة الدين

من يكر شبل الصميده الموت يسبك غارته ... وروس اميه توالت وادمت حوافر مهرته

وجنه حمزه بصولته ... وجنه داحي اسوارهه

هذه شبل المرتضى وضي ناضر حسين

شلون الاكبر عالوطيه وخصمه يشهد مصرعه ... شلون ابو فاضل طريح جفوفه يمه مكطعه

شلون مسبيه الحرم ... دنيه شبت نارهه

والرضيع اصبح ذبيح من الوريدين

رحيم الحسناوي

[أبوعلي الكاظمي]

أحسنت وبارك الله بك اخي العزيز رحيم الحسناوي على الشعر الرائع

[الم الرحيل]

بـــــارك الله فيكمــــ وجعلكمـــــــــ دوم بخدمت اهل البيت

ربـــــى يحفظكمـــــــــ
احسنت شاعرنــــــــا بتوفيق يارب
ربى تكون سنه خيـر

موفقيــــ،ن باذن الله بتظار جديدكمـــــــ

[أبومحمد العبيدي]

جزاك الله خير الجزاء

[عاشق الحسين]

[خالد الاسدي]