البرنامج الكامل لليوم العاشر من محرم (للرواديد)

[رحيم الحسيني الحسناوي]

اللهم صل على محمد وعلى ال بيت محمد الطيبين الطاهرين

البرنامج الكامل لليوم العاشر من محرم



مصيــــــبة بت علي ما من مثلهه

وحيـــده بلا خدر يوجر حملهه

هــــــاي الما لمح ناضر خيلهه

ويـــن اليوم عن ونهه الجفلهه

لا تكدر ترد وتلم اهلهه

ولا تكدر تروح لمنحر حسين

مهضومه وتحششم بالمطاعين

نــــــادت يالزجيه زيدي الونين

راح حسين يمه ولو تسمعين

يجري سفوح دم اهل الحميه

ايــــــــــــــــــه يجري سفوح دم اهل الـــــ

الحميــــــــــــــه

واخبرج بالامانه وبالوصيه

كتله حسين هاي من الزجيه

ريـــــــت اليوم تلفيني المنيه

ولا شوفن عذاب الغاضريه

اخوتي مخضبين على الوطيه

وانه الكوم تتجاسر عليه

وطششار اليتامه وبالثنيه

ياهو اليوم بتج ينغرلهه







نزله
ــــــــــــــــــــــــــــــــــــــــــــــــ


رايتك عالمشرعه ... وسفه يا شيالهه

وعالرماح بدمه راس ابن الشهيدين

ــــــــــــــــــــــــــــــــــــــــــــــــــ ـــــــــــــــــــــــــــ

هذه سبع الكنطره على الغبره يم ماي العذب

بحسره لحسين وغربته انهال دمعه وينسجب

يكله يا خويه وحك جدك وحك ريح التهب

عز عليه طيحت جفوفي وتركتك يا محب

خويه طاحت رايتي ... بعيني روس اسهامهه

وعالوطيه مكطعات جفوفي الثنين

جاوبه حسين وبجه بصرخه وينادي يا علي

هذه عباس العضيد وغيره ابداا ما الي

بويه راح الزود والغيره وشمت بي عايلي

بويه اخوي البيه ازامط طاح وافنى كاهلي

يكله وسفه شلون ترضه الحره زينب تنولي

والحرم تصبح وحيده واليتامى وكل هلي

خويه طالت نومتك ... واختي ترجه اخبارهه

وسكنه نادت وبهضم عمي البطل وين

للمخيم رد غريب الغاضريه بدمعته

لاكته الحره العقيله وهيه تصرخ سالته

وين ابو فاضل يخويه ووين جوده ورايته

سكنه تنطر عمهه يرجع للمخيم تانته

خويه لا تفجعني يبن امي بمصابه وحالته

ولا تكلي راح اخوي وراحت وياه مهجته

خويه كون بقلبي سهام المنايا الصابته

وكون اديه مكططعات وبيه صارت طعنته

خويه وينه كافلي ... ارحم اختك حالهه

والعده تريد السبايا ودم الحسين

شممت حسين العقيله بنحره تندب يا بتول

وصلت اليوم الوديعه يمه يا بنت الرسول

هذه ابن حيدر وحيد وكصده للحومه يصول

لا معين ولا نصير ينصره خل وننج يطول

عالغريب تدافعت خيل وزلم مثل السيول

تريد راس ابنج ييمه ولسم حيدر هم يزول

يمه زادت ونتي ... بين نار ونارهه

وتلهب الروح وتلضضه بين الثنين

نهالت على ابن الزجيه رماح وسهام وسيوف

وهوه ينشد انه ابن حيدر ولا تهمني الحتوف

احمي بالحك الفواطم للنهايه وما اعوف

ويشهد الله بجهادي لنصرة الدين ويشوف

انه ابن بنت النبي ... وابن داح اسوارهه

انصر الدين بدمائي وافدي العين



نزله
ـــــــــــــــــــــــــــــــــــــــ


يحسين انهض رد عدوانك

كوم الكوم على اهلك دارت .. زينب بالاطفال احتارت

وسكنه تنوح وتندب صارت .. وصلت بويه الخيل لدارك

يحسين انهض رد عدوانك

وين الجافل وين الرايه .. هاي دموم حسين جرايه

كوم ودك بالطف الثايه .. وصدهم عن اهلك وخوانك

يحسين انهض رد عدوانك

بنبله الاصغر كطعوا نحره .. مهشم قلب امه وشيجبره

والوننه تجاوبهه العبره .. شد حيلك واكصد ميدانك

يحسين انهض رد عدوانك

صرخات اطفالك بالحومه .. منكوبه عطاشى ومهضومه

يالضامي وضللت محرومه .. مننك يالعامر ديوانك

يحسين انهض رد عدوانك

يابويه وما ضل من حيلي .. تهت واضلم يرهب ليلي

راح ابن الزهره اليضويلي .. وضل ينحب بعدك صيوانك

يحسين انهض رد عدوانك

انهض يبن امي وحاجيني .. تفدي اسمك يحسين سنيني

يا صومي وقرااني وديني .. يا من درب الحك عنوانك

يحسين انهض رد عدوانك
رحيم الحسناوي