البرنامج الكامل لليوم الرابــــــــــــع من محرم (للرواديد)

[رحيم الحسيني الحسناوي]

اللهم صل على محمد وعلى ال بيت محمد الطيبين الطاهرين

اللهم عجل لمولانا صاحب العصر والزمان الفرج

وانصره واهلك اعدائه من الاولين والاخرين انك سميع مجيب الدعاء

البرنامج الكامل لليوم الرابع من محرم

ابوذيات نعي
ـــــــــــــــــــــــــــــــ


وحك روح الزجيه وانته بنهه

عليك تهيم روحي وانته بنهه

اخو ام الاربعه انته وانته بنهه

وابوي وخيمتي وكل الاليه



ترد يحسين عيني منوه لاهه

وتبشر الساال عننك منوه لاهه

واذا فكدت ثلاثه منوه لاهه

يرد عباس هم وحسين اليه




لطميه , ثكيل
ــــــــــــــــــــــــــ

توججينه على حيل الما غمض عينه ... وندوس على المنايا وروس اعادينه

باسم حيدر تعللينه ... ولا هادت مواضينه

ندوس على المنايا وروس اعادينه
ــــــــــــــــــــــــــــــــــــــــــــــــــ ـــ

نصول وما يرد زود الزلم حدهه ... ميادين الشهاده التهدر بمدهه

وحك هضم العقيله بكربلا وجدهه ... حشود اهل الكفر عن زينب نردهه

لحد ااخر نفس بينه ... ولا هادت مواضينه

ندوس على المنايا وروس اعادينه

علينه شما كثر جيش الحقد حيله ... باسم تاج الامامه نعددل الميله

ولوينزف نحرنه وجالنهر سيله ... لجن من يدنه بيت اهل الطهر ويله

نعينه لوالد سكينه ... ولا هادت مواضينه

ربينه بصاية الدك سيفه روس رجال ... ما شاف الزمن مثلك علي خيال

يمن جتل الفحول لسيفك المووال ... وسفه على اهلك جيوش الكفر تنهال

نواسيه ويواسينه ... ولا هادت مواضينه

ثبتنه على الشداد بزود ابو اليممه ... واخذنه من الهدم راس الكفر هممه

دمه البينه فده ابن المصطفى ودممه ... ونضحي ركاب لابن الزهره ولاسمه

نحاميه ولاجل عينه ... ولا هادت مواضينه

اذا نشدت علينه الوالده وسالت ... اخبروهه السيوف من الطبر مللت

جثث فوك الرؤوس بكل كتر ضللت ... جيوش ابن الطغاة بولدج اعتللت

نموت ونفدي والينه ... ولا هادت مواضينه

ندوس على المنايا وروس اعادينه





لطميه
ــــــــــــــ


عفيه الولد روحي ونضر هاي العين ... ماكصصروا لاجل الزجيه ولحسين

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ


ربيت الك يبن المكارن شببان ... وصيتهم يتصدرون الميدان

ويحمون بيت العايله والرضعان ... هلبت نزف دمهم يسد ربع الدين

فدوه لسليل المرجله هاي الروح ... ولحسين ابو الاكبر علي فدوه الروح

وانضر علم راية علي بيده يلوح ... محروس من كيد البشر ومن البين

ابن الزجيه حسين رببي تردده ... بحق السجدلك يا الاهي بمهده

يامن يوافي وما يخالف وعده ... بولد الزجيه وحيدر تكحل العين

ما تغفه عيني ولا تهاود روحي ... ويا روحي لتراب الاطايب روحي

زاد الونين على المشوا وجروحي ... تشكي الهضايم والمدامع صففين

اهلي المشوا ما كوطرت وياهم ... يامن يدلليني بدرب ممشاهم

بيا ديره من كاع الغرب والكاهم ... وين اعتنو كل الاهل عنني لوين





لطميه , ثكيل
ــــــــــــــــــــــــــــــ

شالوا رايه ... و دككوا ثايه

دمع حسين الهم ينساب ... من فزعوا للدين اصحاب

دككوا ثايه ... دككوا ثايه

ــــــــــــــــــــــــــــــــــــــــــــــــــ ـــــــــــــــــ


يشهد صاحو فخر الكوفه ... اليوم يزيد نبيد صفوفه

ابن الزهره وحيد نشوفه ... بالشدده وهيهات نعوفه

فز للطف ضلعين وباب ... من فزعوا للدين اصحاب

دككوا ثايه ... دككوا ثايه

سيوف الصالت بيهه الغيره ... يصعب موقفهم تصويره

ما تبكه على حسين الحيره ... صاحوا وشمحلا التكبيره

قلب حسين بحبهم ذاب ... من فزعوا للدين اصحاب

شالوا رايتهم والمهجه ... خوه ووكفتهم مو رفجه

رادوا لابن الزهره البهجه ... وعياله من ارض الطف تنجه

غططه الدم بالطف تراب ... من فزعوا للدين اصحاب

واحدهم روحه على جفوفه ... وشد حزامه وغار تشوفه

صاحوا بيت الباري نطوفه ... بالطف ونموت على حروفه

وتبسسم راعي المحراب ... من فزعوا للدين اصحاب

ضححو بالعمر وبسنينه ... لابن الزهره ووافوا دينه

وانطوا ضي العين لعينه ... حسين الحك دين الحك دينه

ما ضل سيف يلممه كراب ... من فزعوا للدين اصحاب

دككو ثايه .... دككوا ثايه

رحيم الحسناوي

[أبوعلي الكاظمي]

أحسنت وبارك الله بك أخي رحيم الحسناوي وجعلهُ في ميزان حسناتك

[حسينية الهوى]

بارك الله بك اخي الكريم ... في ميزان حسناتك ان شاالله

[خالد الاسدي]