البرنامج الكامل لليوم الاول من محرم (للرواديد)

[رحيم الحسيني الحسناوي]

بسم الله الرحمن الرجيم

اللهم صل على محمد وعلى ال بيت محمد الطيبين الطاهرين

وعجل اللهم فرج مولانا صاحب العصر والزمان

وانصره واهلك اعدائه من الاولين والااخرين

اللهم وارضه برضاتك عنا انك سميع مجيب الدعاء

(برنامج اليوم الاول من محرم الحرام)



نعي
ـــــــ


دنت من كربلا ضعون الحياده

ويسبك عالدرب صوت الاراده

بنزف دمهم شرو جننه وسعاده

ومن ربهم عظيمه الهم كرامات

مامات التبع كرار مامات

ويذل لحضه ويطخ الراس هيهات

يضل عالي ويدك فوك الثريه

فلح من ضححه لولاد الزجيه

ونزف نحره على روجات الوطيه

وبسيوف الكفر جسمه يتوذر

فاز الما دنك راسه وتعذذر

وبرماح الغدر صدره توججر

ونصح لحسين ابو اليمه واخيه

......



لطمية
(ثكيل)
ــــــــــــــــ

حقاا حقاا كربلاء .... لازلت كرباا وبلاء

ارض المصائب ... بيت النوائب

لازلت كرباا وبلاء

ـــــــــــــــــــــــــــــــــــــــــــــــــ
صدكت بيج حسين ضنونه ... وشاف الشر من حوله يلوح

ضللت تربى على اهله عيونه ... وقلبه على الاطفال ينوح

عين تصد وتعاين زينب ... ويم عباس تحوم الروح

والقلب ذائب ... بيت النوائب

لازلت كرباا وبلاء

هامت روحه بروح الاكبر ... والحزن من عضاه يفوح

ينشد ما اصبر يوليدي ... وانضرلك بالطف مطروح

ويتبضضع جسمك بالحومه ... ودممك عالغبره ومسفوح

والنصر غائب ... بيت النوائب

لازلت كرباا وبلاء

عباس ترف بيده الرايه ... وكاصد لاركان الميدان

ويدري اطفال تلوج وتنحب ... بالهيمه وتعطش رضعان

ويدري جفوفه تفارك جسمه ... لاجل اسم ودين القراان

هذي المضارب ... بيت النوائب

لازلت كرباا وبلاء

يالزهره وخل تدمي عيونج ... لولادج وجروح حسين

من يزيد وكوم الكوفه ... مطلوبين اهل الحك دين

ثارات اهل الباطل تطلب ... من بدر وصولات حنين

هذي النواصب ... بيت النوائب

لازلت كرباا وبلاء

بالطف بيت حسين من اهله ... يصبح مهدوم ومهجور

وكل ليث من ابطاله وكومه ... بدماه يطيح ومنحور

وحسين الضامي ابن الكوثر ... يصفه اببين اعداه مغدور

بين الكتائب ... بيت النوائب

لازلت كرباا وبلاء

يادنيه وغلطان الاممن ... بايامج وتعدده وفات

ينسه ااخرته ويمشي بدربج ... ويشوف هناك الااهات

تشوف العين وتنسه العبره ... بكلمن شد رحاله ومات

بين الترائب ... بيت النوائب

لازلت كرباا وبلاء


نزله
ــــــــــــ

الدنيه تدري بكربلا وتربانهه ... معططر بدم الطهر عنوانهه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

كربلا تضل عملتج تدمي النفوس

وشالت على ترابج رماح الرؤوس

وخيل اميه على الطهر تسعى وتدوس

والهواشم وسفه شح دففانهه

وينهه الزهره الزجيه وحيدره

ووين حمزه الذل اميه وجعفره

خل تشيل جفوف سبع الكنطره

وتحضر الحره وتشوف اخوانهه

ليش ابو السجاد ضامي بكربلا

دموم جسمه على الترايب سايله

لعنة الله على السقيفه وحرمله

وعالنواصب قاطبه وسفيانهه

هذه ابن خير البشر فوك الثرى

هذه ابن حيدر علي وخير الورى

تشوف عينك يا حبيب الله شجرى

اهلك خضاب النحر جففانهه

هاي زينب يا حبيب الله النبي

شلون ترضه الحره بعدك تنسبي

وين نورك وين سيف الله الابي

وين قالع خيبره وبيبانهه

علي يا من ذللت بسيفه الكفر

هاي زينب واليتامه والطهر

ضاع يابو الحمله هاليوم النصر

وسفه شعلو بالخيم نيرانهه



نزله
ـــــــــــ


مسافرين وداعت الله يا هلي

ــــــــــــــــــــــــــــــــــــــــــــــــــ ـــــــــــ

بويه اخذني وياك لديار الغرب

ما يهمني الموت لو طال الدرب

يالطهر فركاك عن بنتك صعب

انته روحي وكل حياتي ومنهلي


مسافرين وما ترك عيني الدمع

وننة الدللال تعله وتنسمع

هم تعود بيوم بويه وننجمع

لو يطول غيابكم يابن علي


ياهلي بيا حال تردوني انتضر

لاهي حسبة يوم لو ساعه وتمر

يا صبر ومنين يلفيني الصبر

شلون اضل بلا اهل وبلا ولي



بصاية الله وبيك هاي العايله

وسهمي دمعة نار عالخد سايله

رحتو عنني بعيد يا خير الملا

والشدايد كلهه بيكم تنجلي





تسري وي مسرى الضعن روحي وتميل

يدمي حسره وهم يضل قلبي العليل

اهلي شددوا عالتباعد والرحيل

وغيرهم يا روحي منهو اللي الي

رحيم الحسناوي

ملاحضه لرواديدنا الكرام .. للاستفسار عن اوزان القصائد يرجى اخذ موافقة المنتدى بارسال ارقام هواتفكم برساله خاصه وساقوم انا بالاتصال بكم لاعطاء الاوزان والسلام

[أبوعلي الكاظمي]

في ميزان حسناتك اخي العزيز رحيم الحسناوي

[خالد الاسدي]

سأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتكم
ويقوي إيمانكم وصحتكم
ويرفع قدركم
يشرح صدوركم
ويسهل خطاكم لدروب الجنة
وأن يجعلكم من عتقائه من النار
أحسنت اخي العزيزرحيم الحسناوي على هذا القصيده غالية

[رحيم الحسيني الحسناوي]

استاذي الحبيب ابو علي الكاظمي المحترم , اللهم ينصركم بحق فاطمة الزهراء ع ويعطيكم الصحة والعافية وجزاكم الله خير جزاء المحسنين , خادمكم

[رحيم الحسيني الحسناوي]

الاستاذ خالد الاسدي المحترم , دعواتكم ليس لدي جواب لها سوى الدعاء لكم بالتوفيق الدائم (رحم الله والديك) وبارك الله بيك يا اخي العزيز ويستر عليك رب العالمين , خادمك