يا علي يا مولاي ع (لعيد الغدير المبارك)

[رحيم الحسيني الحسناوي]

انه يا مولاي يم اسمك اضيع ... ولا يضل من حالي حال ولا ذجر

اليصد نورك يصل حالا صريع ... يطيح ويضل بالعشك بس يحتضر

واانه جاي اليوم وبقلبي كلام ... دخيل عندك يا امامي وياضخر

انته اسمك يا علي بامر العليم ... حروف اسمك بيهه اريد اكتب شعر

الرخصه مننك سيدي وانته الامام ... البججه عين العاجله بحلو الصبر

العين شنهي العين يرباة الفحول ... العين عدل وعلمك الفت الصخر

العين عنوان التسامح والاباء ... البيه تنادي اليوم اقلام وصور

العين عالي ويعله باسمك من هواك ... وحب علي الكرار واتعننى الظفر

العين عيد انته لمن فاكد اباه ... ولليطول غياب اهله من انتضر

العين عاديت التكببر والنفاق ... ورايتك نوماس دك روس الكفر

العين عينك يا علي التحوي الزمان ... وتبجي بس للخالق وتهدي الصبر

العين يا حيدر عذابات وسعير ... تدوس كلمن ما يطيع ويعتبر

العين عطر الجننه من الله بهواك ... الما حضه وشم منهه وعيونك خسر

العين عبد الله الوصي وروح الامين ... وهوه فرع وروح مجرى اعظم نهر

العين عهدي وياك يبن الطيبين ... شما يجيني النوم اصرخ يا سهر

اللام يا خير الملا لا للضلام ... ولا اله الا العلي المقتدر

اللام لا غير الله رب بس للعباد ... ولا رسول الا محمد عالبشر

اللام لا للكذبوا عن الرسول ... ولا تجاذب الا بيت اهله الطهر

اللام لا كد الارض للكافرين ... ولا هبل واللات لا رب من صخر

اللام لولا اسمك يحيدر بالوجود ... الدنيا بس نيران تصفه وبس جمر

اللام لو مامش فقار ويه الرسول ... الكوم جا شردت ولا واحد حضر

اللام لو ما انته تنهض لليهود ... وداعتك خييرهم بثوبه وطفر

اللام لوما سيفك الدك مرحباهم ... جابقينه بلا قرار ومستقر

اللام لو ما علمك البججه العلوم ... النغمه تاهت يا علي وضاع الوتر

اللام لولا خصومك الكصدت اذاك ... النار ما صارت ولا صارت صقر

اللام لوما نورك ومحفل ضواك ... شموس ما شفنه ولا شفنه الكمر

اللام لوما صولتك عالحاقدين ... الدنيا صار اسبوعهه اعلى من الشهر

اللام لو ما جاهك ورببك هواك ... الكاع هاي تصير باعماق البحر

اللام لو ما تشفع النه وننتخيك ... كبورنه تهيج بلهيب وتستعر

اللام لاويت الزنادق والطغاة ... وكلهه تعرف يا علي بهذه الخبر

الياء يا اول فتى بوجه التخللف ... يا علي وكلمن يعاديك اندمر

الياء يعلى الدين باسمك وبلواك ... ومن ترك منهجكم يكض الصفر

الياء يا من تفتخر بيه الجنان ... وقدم الهه السيف وي دمه مهر

الياء يابو العتره واليممه الاباة ... الفاز من واله وخسر من اشتمر

الياء يا احلى الاسامي على اللسان ... بلايه صوت اسمك يصل ريكي امر

الياء يا روحي وامامي ومبتغاي ... المسند انته وتبكه الي حزام الظهر

الياء يابو الغانمه وحلو الصفات ... يروح لترابك فدى صبي النضر

الياء يشهد ربي عننك ما احيد ... ولو يطك شريان قلبي ويه النحر

رحيم الحسناوي

[أبوعلي الكاظمي]

العين عطر الجننه من الله بهواك ... الما حضه وشم منهه وعيونك خسر
بارك الله بمجهوك الرائع

[أبومحمد العبيدي]

جزاك الله خيرالجزاء
والنعم منك

[أبومحمد العبيدي]

جزاك الله خيرالجزاء
والنعم منك

[خالد الاسدي]

[رضوي]

بسم الله الرحمن الرحيم

اللهم صل على محمد وآل محمد الطيبين الطاهرين
اللهم عجل لوليك الفرج

جزاكم الله كل الخير على الموضوع الاكثرمن القيم

حفظكم الله وسدد خطاكم لكل خير
وَرَزَقَكُم الْلَّه الْصِّحَّه وَالْعَافِيَة
وَنُوْر الْلَّه قُلُوْبَكُم بِالْايْمَان بِحَق مُحَمَّد وَآَل مُحَمَّد

جعله الله في ميزان حسناتكم

دُمْتُم فِي حِفْظ وَرِعَايَة الْلَّه