وين يحسين اليدليني

[رحيم الحسيني الحسناوي]

اللهم صل على محمد وعلى ال بيت محمد

وين يحسين اليدلليني بثراك

انهار دلالي شكثر خويه احتمل

اانه بين الموت يبن الطاهرات

وبين دمعه وشوكهه وبين الخجل

يا اخت خويه يطاوعهه الدليل

تعوف اخيهه بلا غسل وبلا محل

ويا اخت وي راس اخوهه تصد عليه

وتمشي مثل الناس يرباة الفحل

شيبكه بيه من ماي جسمي ويسري بيه

وماي روحي انكب كبل دم الاهل

يا درب كصصر عليه ولا تطول

وطول لا تكصر عليه ولا تسل

انه من دار الزمن بيهه بعذاب

ولا اضننه يعوفهه ليوم الاجل

اانه من شالت عليهه النايبات

بحيل كل هظم الليالي ويه الزعل

واانه من جرعت انين الما يطيب

من الاوائل حد فكد تالي الامل

اانه كلي شلون خويه بيا ونين

من ارد اطب لكربلا ووين المهل

رد شملهه الناس من بعد الجفاء

وشملي كصبة كيض وي لممة وصل

هنا يبن حامي الحمى ودربك بعيد

شلون , ضعنك يا ضوه عيوني وصل

ازحف على ترابكم وانحب يخوي

وما يشيل الصار بالطف لو جبل

اانه زينب تدري بيه النايبات

وضربن بلوعات حزني اكبر مثل

رحيم الحسناوي
اسالكم دعاء الشفاء

[امجد الملكي]

شاعرنا الرائع رحيم الحسناوي شكرا على الشعر

[أبومحمد العبيدي]

جزاك الله خير الجزاء رحيم الحسناوي

[عاشق حسيني]

جزيت خيرا شاعرنا المميز رحيم الحسناوي

[عاشق حسيني]

جزيت خيرا شاعرنا المميز رحيم الحسناوي

[فدكية]

يسلموووووووووو خيو رحيم الحسناوي وفي ميزان حسناتك

[خالد الاسدي]

[أبوعلي الكاظمي]

بارك الله بكَ أخي العزيز رحيم الحسناوي على الجهود وجزاك الله خيراً

[فوادالركابي]

جزاكم الله خير الجزاء وفي ميزان حسناتكم