يبن امّي وللغربه مشيت

[رحيم الحسيني الحسناوي]

كَلّي شلون واَنه اختك ... ما مدفون من عفتك

يبن امي وللغربه مشيت ... وخلافك بالهمّ رضيت

ما مدفون من عفتك
ــــــــــــــــــــــــــــــــــــــــــــــــــ ـــــــ

امشي الدرب لارض الغرب حيره وخوف ... مره يفاركَني النفس مرّه الشوف

وينه العلى دروب الشدايد معروف ... درات علينه عداكم صفوف صفوف

تانيتك خويه وماجيت ... وخلافك بالهم رضيت

ما مدفون من عفتك

ناديتك ولا ينسمع منّك صوت ... وعلى اختك سروب الملاعين تفوت

جم اَه جم ونّه وردت خويه الموت ... منحوت بثيابي الحزن ضل منحوت

بالوحشه اتصابح ومسيت ... وخلافك بالهم رضيت

ما مدفون من عفتك

سلّيت عاين يبن حيدر حالي ... رحت وتطوف الروس خويه كبالي

لاناس تنغر لا حما ولا والي ... ما مر هضمكم يبن ابوي ابّالي

وبزينب المن وصّيت ... وخلافك بالهم رضيت

ما مدفون من عفتك

سلوت عدوّ حسين صارت ونّي ... سياط الشمر نالت يضيغم منّي

كَالت يخويه الناس بعدك عنّي ... بنت الخوارج والنسه يشتمنّي

عدهم ثار ويه اهل البيت ... وخلافك بالهم رضيت

ما مدفون من عفتك

دارت علينه اهل المجايد صوبين ... روس وحرم وايتام تنعه ويه العين

تطلب اميه الثار وتريد الدين ... وجّر عليّه بلا رحم سكَم البين

لو ادري بموتك ما جيت ... وخلافك بالهم رضيت

ما مدفون من عفتك

خويه العذر يبن الاطايب منّك ... رحت ومشيت وعالمدامع غمّك

نحرك يصب وعلى الارض كل دمّك ... وين الزجيّه تكابلك وتشمّك

وين الهواشم ناديت ... وخلافك بالهم رضيت

ما مدفون من عفتك

رحيم الحسيني الحسناوي

[حسينية الهوى]

اللهم صل على محمد وال محمد

احسنت اخي الكريم
روعة القصيدة سلمت يمينك

دمت برعاية الرحمن

[عاشق الحسين]

جـــــزاكم الله خير وننـــــتظر منكم الجديد

[أبوعلي الكاظمي]

احسنت وبارك الله بك سيدي العزيز رحيم الحسناوي

[خالد الاسدي]

خطها لنا قلمك هنا القصيدة لهادفه
المؤمنة الموالية لنصرة الدين والمذهبـــت كم كانت كلماتك

بين سحر حروفك التي ليس لها مثيل احسنت

اخي العزيزرحيم الحسيني الحسناوي لقد كتبت وأبدعـــــ اوفـقـكم الله لمـا يحـــب و يــرضـى

[منال العرب]

جزااااك الله خير
يسلموووووووو