مقارنه بين الامام علي عليه السلام ورمضان للشاعر( يوسف حسن))

[قدوتي زينب]

بسم الله الرحمن الرحيم
مقارنه بين الامام علي عليه السلام ورمضان للشاعر( يوسف حسن))





منو اتشرف بالاخر علي لو رمضان
توقيت الشهاده بها الشهر عبره
حيدر زاد قدره بموته برمضان
لو رمضان هوه الزاد من قدره
نسمع بالسنه مره بشهر رمضان
وحيدر كل فريضه المأذنه اتذكره
وتره رمضان بيه ليلة قدر لاغير
وعلي بيه الحسن وحسين والزهره
ما مر يوم حيدر ماذكر مسكين
وشهر رمضان يخلص يالله الفطره
وجائز ان تسافر في شهر رمضان
وايام الشهر عوضهن بأخره
وعوض لو مريض وصومهن بأخره
بس حيدر جذب ما تكدر اتعبره
ما صدك قصير القامه يامولاي
مااكدر ابد واستوعب الحاله
جذب حيدر كصير وهاكم البرهان
من فوك الفرس يشمر الخياله
جائز حيدر بطول الرسول يكون
لان بات ابمكانه بيوم ترحاله
بفراش الجبل يصير تل اينام
لازم جبل مثله ونفس تفعاله
مقصوده السوالف هاي جذابين
الكصر لوله وحشه اللوله اتدناله
بحزامه الفقار يكلي جان اكصير
معقوله الفقار يخط وره اذياله
بما انك علي ومخلوق من النور
اذن طولك شعاع وضوه بها الحاله
يشهد لك نعم خيبر يبو الحسنين
ضخم جان وجبير وبالوصف هاله
لزم عروة الباب اشلون فسر هاي
لتفسر شلون انشلعت اقفاله
علي طولك شمس وعيونهم حفاي
شافك من بعيد اكصير حسباله
احفر قبر مرحب وبن ود وشوف
تعرف حيدر طويل اشلون بفعاله
عمود السيف ينزل جان فوك الراس
ما يضرب الكصه الهامه منواله
باوع عالضريح وكول جان اكصير
اذا كل هالضريح وكوه كفاله
اقنعني بكمر هاشم ليش جان طويل
علي يخلف ولد يطلع شبه خاله
علي طوله السمه واضعاف طول الكون
ونجوم السمه مجلبات بذياله

[أبوعلي الكاظمي]

شعر رائع
احسنت وبارك الله بكِ اختِ الكريمة وجزاكِ الله خير الجزاء

[خالد الاسدي]

احسنتِ اختي الفاضله قدوتي زينب على هذا الطرح المبارك والمتميز بورك طرحكم
وثبت أجركم إنشاء الله
وفقكم الله لمرضاته وتقبل طاعاتكم وغفر لكم

[قدوتي زينب]

اخواني الاعزاء شكرا لردودكم المميزه و المفيده

[علي الصريوي]

احسنت اختي العزيزه قصيده رائعه وكلمات رائعه بحق امامنا علي بن ابي طالب عليه السلام

[قدوتي زينب]

اخي الموقر مشكور على الرد