الباذنجان بأقراص الكفتة

[معصومة]

المقادير

باذنجان من الحجم المتوسط

للكفته

لحم مفروم ناعم , راس بصل مفروم ناعم , 3 اسنان من الثوم مهروس , قليل من البقدونس مفروم ناعم , 1 فلفل اخضر حار مفروم ناعم حسب الرغبه , رشه بقسماط
ملعقه صغيره من معجون البندوره , البهارات فلفل اسود قرفه بهار حلو قرنفل جوزه الطيب

وللصلصه

حبتين بندوره 2 بصله متوسطه 3 الى 4 سن ثوم , بقدونس , مكعب ماجي , معجون بندوره ملعقه طعام كبيره فليفله حلوه 2 فليفله متوسط الحراره حسب الرغبه
الطريقه راح اشرحها مع الصور

ونبدأ بإذن الله

الباذنجان يقشر مقلم ويقطع حلقات للثلثين تقريباً

بحيث يبقى عالق من طرف واحد وما ينقطع معك لما تقليه يكون ماسك نفسه زي الصوره
ثم يقلى بالزيت نصف قلي وبيكون لونه اشقر فاتح

وهذي مكونات الكفته اخلطيها كلها مع بعض حتى تكون جاهزه للحشي
وفي صينيه الفرن راح نفرم حبتين بندوره وراسين بصل وشي 4 الى 5 اسنان ثوم
فليفه حلوه و 1 اخضر حار وكمان واحد خليه صحيح ما تقطعيه ومكعب ماجي وبقدونس مفروم ناعم وخليهم في ارض الصينيه مع رشه ملح ورشه فلفل

نرجع للباذنجان بنحشيه بأقراص الكفته زي الصوره

وبنحطها في الصينيه فوق الخضره يلي فرمناها مسبقا

والكفته يلي بتفضل عندك اعمليها اصابع ورصيها بين حبات الباذنجان

بتعطي نكهه كتير طيبه للطبخه

وهون بعد ما رصينا الكفته بين حبات الباذنجان

بتذوبي معجون البندوره بكاستين ماء وبتضيفيها على الباذنجان

بحيث ما يكون الباذنجان غرقان كتير يعني زي الصوره

حطيه بالفرن على حراره 250 لمده 45 دقيقه تقريباً على الرف بالأسفل

وهذا بعد ما استوى وطلعناه من الفرن

ويقدم مع الأرز ساخناً
ويلي بيحب ياكله مع الخبز كمان

[حسينية الهوى]

باين عليها شهية ..

سلمت يداك عزيزتي

[منال العرب]

يسلمووووووووووووو

[عاشق الحسين]

الله اشكد حلووو حتى الباذنجان دلعتووووووو

[قدوتي زينب]

رائعه جدا
ان شاء الله اجربها

[حنين الروح]

وصفة شهية ورائعة

الله يعطيكِ العافية

سلمت يداكِ

[معصومة]

[دلوعه البيت]

تسلم الايادي