قصيدة لابو الفضل العباس

[ابو حسين]

قصيدة للشاعر ايهاب المالكي

ابحركة اتوادع العباس ويه حسين ...............اموادع الغالي راح ايوادع الغالي

صبرو ما بجو بس كبل لايمشون...................واحد حس بلاخر دمعتة تلالي

الهوة ابيناتهم ماطب وكف علاة.................يطاير دمعهم بالهوا العالي

بجه احسين وفتح ذرعانة للعباس...........كله ابغيرك انه اتخيلت حالي

ان عطشلن صح بس ماشخلني الماي............ لاكن لو تركتك ينشغل بالي

كل الطف ألك وين التفت ونساك.............انه الصامت اعيوني وضايع اهلالي

مااهتم اذا رديتة خالي الجود............حاجيني ابجوادك من يرد خالي

انه الماحير اشوفك حتى امن اتغيب................الك موجودة صورة ابنضرت اطفالي

اخذ من عندي جف وجف الي ...........اتخليه من عندك الي ذكرى يبقالي

وذني اجفوف ادي وبكيفك انته اختار............ياهي اتريد منهن يمنتي اشمالي

كالو تنذبح من القفا وهزيت اديه...........وجاوبتهم ضهري مو خلي

العباس ابكفاي اوينعر ويفوت...........واحد يم ركبتي وسيفه يدنالي

لاكن من كلت عباس راح اتروح ...........هسه انكشف ضهري اكبال جتالي

اشكلت عباس رايح حتى اوصي الريح...........عكبك علىالخيام اتناطر اعيلي

حلف عباس واقسم كله تبقى احسين...............اطب بيه واتجيك وتسمع افعالي

ساطعن في عيون الشمس سيفي ............لينقطع الرواف عن النزالي

فقد علقت في سيفي روأسن ............معاندتن فلم تخشا نزالي

رأوني قادمن كرمح حتى ............تباعدت الرجالي عن الرجالي

لاترك جيشهم للارض صوتن............فينبعث الانين من الرمالي

فلولا انني رجلن موحل ..................لما فكرت ان اصل المحالي

اذا ماموت بالطف من كطع جفين............ما تغمض اعيوني وموتي يهناني

انا حتى الجواد ايكلي ..........يا عباس صول وشيل اديك من الرس مالي

وكفت اعلى النهر وتحسرت مولاي ..........ذاك الهو بالطف كوه كفالي

وشفته العلكمي وكتله دون احسين ...............تعمه اعيون مايك كون يحلالي

انا شفتك ابضلي ورت اشربك ماي ..............وتراويتلي انته ابصورت اخيالي

عندهم فكرة فوك الكنطره اسويت ..............طشارت ركبهم مالهن والي

لذالك والدليل ابهاي راح انطيك.................مصداقن الفعلي و شعري واقوالي

من التالي ابد ماطاعو العباس ................جي يدرون نبرز اول وتالي

واعتذر ارد ان ارسلها صوره وصوت ولاكن المساحه لاتكفي

[نور علي]

قصيدة نااايس ...

الله يعطيك العافية

ع هيك القصيدة

[خالد الاسدي]

أحسنت و جزاك ألله خير الجزاءعلى قصيدة
وفـقـكم الله لمـا يحـــب و يــرضـى

[ابو حسين]

المشاركة الأصلية كتبت بواسطة خادمة الزهراء

قصيدة نااايس ...

المشاركة الأصلية كتبت بواسطة خادمة الزهراء

الله يعطيك العافية

ع هيك القصيدة

مشكور اختي العزيزة واتمنا ان منكي التواصل ولانك نايس تشوفين الكل نايس

[ابو حسين]

المشاركة الأصلية كتبت بواسطة خالد الاسدي

أحسنت و جزاك ألله خير الجزاءعلى قصيدة
وفـقـكم الله لمـا يحـــب و يــرضـى

مشكور يلغالي وارجو من الله ان يوفقكم لما تحبون ويرضى

[أبوعلي الكاظمي]

احسنت اخي ابوحسين وبارك الله بيك