فد يوم زرت صديق البيتة وكتلة ألي عندك حاجة وأنت ثقة ومتأكد راح تحافظ عليها راحت الأيام واجت الأيام ورجعت الصاحبي حتى اخذ الحاجة منة وكتلة أريد اسحب منك الأمانة اللي عندك انكلب لونة وكال ها خوية اتريد تسحب مني الثقة كتلة يابة قابل انته المالكي حتى اسحب منك الثقة لو انتة النجيفي , يا ترى المغالطة اللي وكع بيه صديقي ما تنطبق على بلمانيين هل وكت اتورط الشعب العراقي وانتخب شلة مال حرامية ووضع بيهم الثقة ولمن يريد يسحب الثقة ما يكدر لأن المسؤولين التنفيذيين والتشريعيين الكرام يعتبرون مواقعهم مسجلة بأسمهم بالطابوا واذا انسحبت منهم الثقة محد يكدر ياخذ موقعة منة لأنه يحتاج تنازل بالطابوا عن الموقع حتى يتحول الى شخص اخر .
والغريب ابكل هاي القصة موضوع رئيس البرلمان العراقي اسامة النجيفي المفروض رئيس السلطة التشريعية يتجرد عن الحزبية والمصالح الشخصية ويعمل من اجل كل اهل العراق مو يومية طالعنة ابدالغة _ يوم ايروح التركيا ويوم يتحالف وية الاكراد ولو يصرح تصريحات طائفية وكل هذا وهو رئيس البرلمان العراقي وما أدري اشلون رئيس هذا يهوفج هيج وهيج وما مستقر وهو يمثل كل العراقيين يابة يا كل العراقيين هو يمثل بس المصلاويين والتركيين والسعوديين والبريطانيين وشوية من القطريين وبالله عليكم مثل هيج رئيس مو سحب الثقة قليل بحكة عمي حكهم اعضاء دولة القانون يسحبون الثقة عن رئيس البرلمان لأنه يستاهل مو بس سحب الثقة والطرد من البرلمان واستبداله برئيس برلمان وطني جويد .
النجيفي يتعرض للسحب
