محمد الباقر امام الثائرين
عالم وكل العقول اتقدره
نذر كل عمره الابي لخدمة الدين
والزرع اينع عقول مثمره
جدد بافكاره للحق المبين
درب بيه الناس للحك عابره
صلب جدا ما يهادن ما يلين
الدنيه طلكهه ونظر للاخره
رسم درب اتسير بيه العالمين
وبكلام الله ورسوله امعطره
كل كلامه اسناد للحق المبين
وال بيت الله الايمه الطاهره
عرف حزب البعث عن صدق ويقين
يعيش الناس ابسجن وبمكبره
وابد ما هادن حياته الكافرين
باع روحه ورضه الرحمن اشتره
وكف جدام الظلم عالي الجبين
وكل عيون الناس جانت ناظره
جان حزب البعث لا دنيا ودين
وبالظلم ديرتنه جانت عامره
وجان ما يعرف ابد جلمة اللين
شره في كل الاماكن ناشره
كامله السيد وكال الله المعين
وعن معاصي الله رده واجبره
عاش سيدنه مثل حصن حصين
استشهد وكل العباد اتقدره
ثائر واب ولكل معوز معين
وعلمه مثل السيف دوما شاهره
بيته بيت الكرم بيت المحسنين
وداره دار العلم ظلت عامره
علمه صار اليوم كالدر الثمين
بحر بي كل البواخر مبحره
ذاك صدام اندفن بالذل مهين
وظل شهيد الوطن عطر ايعطره
فرق شاسع حيل ما بين الثنين
عقل نير , ضد عقول جائره
دارت وسواهه رب العالمين
فرهه وانحطت على الظلم الكره
كفاية مكي حافظ /عضوة مكتب المجلس الاعلى في ولاية اريزونا الامريكية
قصيدة بمناسبة استشهاد اية الله , السيد الجليل , محمد باقر الحكيم قدس سره
